Pokhara isch nach Kathmadu 's zwoite touristische Zent- rum von Nepal, wobei hier älles a Spur g'miatlicher zugoht. So oder so ähnlich muss es in Kathmandu friaher g'wä sei.
Anders als dort gibt's in Pokhara allerdings koine kulturelle, drfür aber jede Menge landschaftliche Highlights - zumin- descht theoretisch, Stichwort: Wolka!
Des goht scho drmit los, dass bei dr Bootsfahrt uff'm Phe- wa-See koi oinziger Berg zum seha isch - ond des, obwohl doch angeblich beschte Reisezeit isch!
Na, zumindest de eiheimische Aus- flügler scheint des net uff d' Stimmung zu schlaga!
Diwali isch emmer no ...
... ond jeder feiert uff sei Art!
Am nächschta Morga zeigt sich dann dr Hausberg von Pokhara kurzzeitig:
Dr Macchapuchare (den i jo scho okündigt han), uff Deutsch 'Fischschwanz' - 's nepalesische Matterhorn.
Sein 6993 m hoher Gipfel isch bisher no net erklomma wor- da ond wird's wohl au nie: nachdem 1957 a britische Expe- dition 50 m vor'm Ziel uffgebba missa hot, isch des als Zei- cha dr Götter interpretiert worda - ond seither gibt's koine Genehmigunga zur Besteigung meh!
Flankiert wird'r hier rechts von Annapurna III (7555 m), d' Perspektive macht's möglich, dass dr kloinere Gipfel dr höhere überragt.
Lang hebt die Freud allerdings net, kurze Zeit später hen d' Wolka wieder d' Oberhand, wie hier am Begnas-See, ca. 15 km außerhalb von Pokhara.
Also wendet mr sich halt andere Fotomo- tive zu ...
... ond startet am nächschta Morga an neua visuella Gipfelsturm - diesmol in dr Gegend um Naudanda:
Ganz ohne Wolka goht's au heut net, aber mr ko immerhin was erkenna: oba präsentierat sich v.l.n.r. Annapurna Süd (7219 m), Hiunchuli (6441 m), Macchapuchare ond Annapurna III.
Bei dem Duo oba ond onda handelt sich's um die Gipfel von Annapurna IV (7525 m) ond Annapurna II (7937 m), die mr aus ra bissle andera Perspektive von Bandipur her jo scho kennat ...
Ond scho isch's bald wieder vorbei mit dr Herrlichkeit - die Annapurnas werdat von de Wolka wieder eig'fanga!
Zum Glick gibt's aber au heut jo no andere interessante Fotomotiv ...
Wow, ond des hebt?
Girls, girls, girls äller Altersklassa:
Die ältere Generatio flaniert ...
... 's Mittelalter guggat nach dr Wasserversorgung ond ...
... d' Jugend post au hier!
Mädle, Dei Styling kommt leider z' spät ;-)
Derra ihr Körble isch no relativ leer, aber wenn 'se sich so in's Zeug legt ...
... wie die boide hier ...
... dann ko se bestimmt bald mit denne zwoi do onda mithalta!
Ach übrigens: hot hier eigentlich mol ebber an Mo was schaffa seha? Genau - i au net ... hier scheint die Welt also no in Ordnung zu sei ;-)
Trotzdem macha mr am nächschta Dag dr Abflug (wieder mit Buddha Air).
An letschter flüchtiger Blick uff dr Macchapuchare ...
... ond dann goht's flankiert vom Himalaya wieder z'rück ...
... nach Kathmandu.
|