In äller Buddhasfrühe goht's an Bord von ... 'Buddha Air', um de Bergriesa a bissle näher auf die Pelle zu rücka - Fensterplatz garan- tiert! Na hoffentlich führt der Flug net direkt ins Nirwana ...
Schnell lässt mr's Kathmandu Valley hendr sich ond ...
... fliegt am Himalaya-Kamm entlang. Himalaya hoisst uff Deutsch 'Ort des Schnees', was (zumindescht bis jetzt) a recht zutreffende Beschreibung isch. Entstanda isch'r vor ca. 140 Milliona Jährla, als die Indische mit dr Eurasi- scha Platte z'sammakracht isch ond dadurch des Gebirge uffg'wölbt hot.
Wie g'sagt: 8 von de 10 höchschte Berg dr Welt (ällesamt Achttausender) befindat sich im Himalaya - als erschts in Sicht kommt aber a 'kloinerer' Gipfel, oba in dr Mitte dr Langtang Lirung (7234 m).
Ond scho sen mr bei de Achttausender, wenn au no net ganz en de Top Ten: der linke Gipfel müsst die Nr. 13 sei, dr Shisha Pangma (8046 m), der sich allerdings scho nemme en Nepal, sondern en Tibet befindet.
Hier en dr Bildmitte hen mr dr Doppelgipfel vom Gauri Shankar, durch den d' Grenze zwischa Nepal ond Tibet verlauft. Dr weibliche Südgipfel Gauri (= Parvati) bringt's dabei uff 7010 m während sich dr männliche Nordgipfel Shankar (= Shiva) bis auf 7134 m erhebt. Hier oba isch also die Hierarchie der Geschlechter no in Ordnung ;-)
Vorbei am ebafalls in Tibet liegenda Melungtse (7181 m) nähert mr sich dann so langsam 'm Ziel von dem Flight:
Allerdings muss mr sich dann scho ins Cockpit begeba, um an flüchtiga Blick drauf zu werfa ... links hinta isch die Nr.1!
Hier nomol a bissle größer: Sagarmatha (Mount Everest, links, 8850 m) ond rechts daneba Lhotse (8501 m) - ja, ond des war's dann au scho: omdreha ond auf direktem Weg zrick nach Kathmandu - schad, a bissle kurz eigent- lich.
Nach dr Landung ond ma kurza Frühstück goht's dann weiter zur (nach Kathmandu ond Patan) drittgrößta Stadt vom Kathmandu Valley - nach
Bhaktapur liegt an dr alta Handelsstroß zwischa Tibet ond Indien ond isch a schees, altertümlichs Städtle. Neubauta gibt's fascht net ond Autos missat weitestgehend draußa bleiba. Maßgeblich dro beteiligt war a deutsch-nepalesi- sches Entwicklungsprojekt, dessen erschtes Objekt d' ...
... Pujari Math ('Priester-Residenz') war mit dem berühm- da holzgeschnitzta Pfauenfenster als Blickfang.
Offasichtlich hot die Kooperatio no weitere Hinterlassaschafta ...
Braucht oiner vielleicht an Zahnarzt? Zumindest die Strom- versorgung für dr Bohrer scheint gewährleischtet zu sei!
Die örtliche Dorfjugend spielt mit Tempellöwa (richtig, worom sollat bloß Hindu-Gottheita Reittiere han ...) bzw. bildet sich en dr ...
... Schual - oder doch eher JVA ;-) ?
Die erwachsene Bevölkerung kümmert sich derweil enga- giert um's G'schäft ...
Naja, zumindest hier am Potter's Square ...
Tempel gibt's wie g'sagt nadierlich au: hier links z.B. dr über 30 m hohe Nyata- pola-Tempel aus'm früha 18. Jahrhundert.
Ond wie sich's für a Königsstadt im Kathmandu Valley g'hört, hot nadierlich au Bhaktapur sein zum UNESCO- Weltkulturerbe g'höranda Durbar Square!
An dr linka Seite von dem ziemlich uffg'räumta Platz befindet sich 's Eigangstor zum Palast, des sogenann- te 'goldene Tor'. Dahinter befindet sich au dr Taleju- Tempel, den mr aber net betreta derf, was der be- waffnete Soldat eidrucks- voll unterstreicht ...
Die zwoi hier hen eh andere Sorga ...
Weitere Bauwerke sen u.a. dr Chyasilin Mandap (oba) ond dr Siddhi-Lakshmi-Tempel aus'm 17. Jahrhundert (onda).
Nächschte Statio isch 'Klein-Tibet':
Acht Kilometer außerhalb von Kathmandu befindet sich der neba dr Swayam- bunath-Stupa bedeutend- schte buddhistische Sak- ralbau: d' Stupa von Bodnath mit ihre allessehende Auga, die hier net wega Renovierung vorübergehend g'schlossa sen - Buddha sei Dank!
Die Stupa, die natürlich au zum UNESCO-Weltkulturerbe g'hört, hot sowohl a Höhe als au an Durchmesser von ca. 40 m ond isch im Grundriss ma tibetischa Mandala nochempfunda! Angeblich geht der Bau bis ins 7. Jahr- hundert z'rück.
Nachdem's in China jo bekanntlich net so oifach isch, dr tibetische Buddhismus am Leba zu halta hot sich hier in Nepal a neus Zentrum aufbaut.
Ond so ko au ...
... die sich zuziehende Wetterlage ...
... dem Pilgerstrom nix ohaba, der dr ganze Dag die Stupa im Uhrzeigersinn umwandert.
Otrieba vom Mantra 'Om mani padme hum', des aus viele G'schäft om die Stupa rom raus- dudelt, ko die Pilger en älle Alter nix drvo abhal- ta, ihre Kreis zum dreha.
Immer natürlich beobachtet ond behütet von Buddhas allessehende Auga!
|