Scho beim Oflug auf Nepal macht mr glei mit de erschte
   (im wahrschten Sinne des Wortes) Höhepunkte Bekannt-
   schaft. Acht von de 10 höchschte Berg uff dr Welt (na-
   dierlich älles Achttausender) türmat sich in dem Himalaya-
   Staat auf ond glei im erschta Bildle gibt's die Nummer 1,
   4 ond 5 - wie will mr des eigentlich no toppa? Na gut -
   's könnt no a bissle näher sei ...
 

   Von links nach rechts präsentierat sich: Sagarmatha (au
   bekannt als Mount Everest, 8850 m), Lhotse glei drneba
   (8501 m) ond Makalu (8463 m).
   

   Hier nomol dr Everest ond dr Lhotse wenigstens a bissele
   größer ...
 

   Nach dr Ankunft in dr Hauptstadt wird mr glei freudig be-
   grüßt (sprich: die Mädels reißat sich die Kleider vom Leib)
   und erhält erschte Verhaltensoweisunga ...
    

   Humor scheint des Völkle au zu besitza ...
  

   ... oder kriegt bloß mei klois Hirn Optik ond Aufschrift von
   dem Kärrele net onder oin Huat?

   Wer genau nochlesa will: hier bitte ...
  

 Am Westrand von Kathmandu
 befindet sich uff ma Hügel d'
 Stupa von Swayambunath.
 Des Bauwerk aus'm 5. Jahr-
 hundert isch's bedeutendsch-
 te buddhistische Heiligtum von
 Kathmandu ond mit seine alles-
 sehende Auga Buddhas an älle
 vier Seita so ebbes wie's Wahr-
 zeicha von Nepal.
 Allessehende Auga? Meine Auga
 sehat alles außer allessehende
 Auga ... na, des goht jo scho
 wieder guat los: die Guckerla
 sen zwecks Renovierung vor-
 übergehend abg'hängt!


 

 

   Aber 's gibt jo no meh zum Gucka: Rond om d' Stupa hot's
   jede Menge Gebetsmühla, Schreine ond kloinere Stupas.

   Ond nadierlich net zu vergessa die ganze Gläubige bei Aus-
   führung ihrer Riten ...
 

 ... sowie dr Grund, warum
 der Ort au 'Monkey Temple'
 hoißt: Unmenga von Affa,
 von denn hier oiner grad
 uff 'ma riesiga Vajra oma-
 nanderturnt.
 
 





 's Vajra (zu deutsch 'Don-
 nerkeil' oder 'Diamantzep-
 ter') isch's Hauptsymbol
 vom Vajrayana-Buddhis-
 mus, der sich vor ällem in
 Tibet ausbreitet hot.
 

   Gebetsfahna dirfat in ra tibetisch geprägta Olag nadierlich
   au net fehla ...
 

 ... ond au Buddha isch
 allgegawärtig, hier als
 Shakyamuni, dr soge-
 nannte 'historische
 Buddha'.














 

 











 Ond fir Leit mit Adlerauga
 gibt's an derra kloinera
 Stupa dann doch no a
 Pärle ällessehende Auga
 zum entdecka ... naja,
 aber trotzdem irgendwie
 an schwacher Trost :-( 
 

   Zrick in dr Stadt goht's dann glei zur Hauptsehenswürdig-
   keit, zum Durbar Square ('Königshof') inmitta von dr Alt-
   stadt. Des isch a wunderbares Sammelsurium von Tempel
   ond Paläscht uff engschtem Raum - mittlerweile oine von
   7 UNESCO-Weltkulturerbestätta im Kathmandu-Tal (a an-
   dere henn'r grad eba scho kennag'lernt - Swayambunath).
 

   Dem Gebäude do oba verdankt Kathmandu höchschtwahr-
   scheinlich sein Noma: des isch dr Kashtamandap aus'm 12.
   Jahrhundert, der ogeblich aus'm Holz von oim oinziga Baum
   baut worda isch ond heut weniger als Tempel denn als Ver-
   sammlungsstätte dient. 
  

 
 

 Des Gebäude links isch dr
 Kumari Bahal, 's 'Kloster
 der Jungfrau'. Dort wohnt
 die landesweit als Inkarna-
 tion der Taleju verehrte
 Kind-Göttin Kumari, bis 'se
 ihr'n erschta Tropfa Blut
 verlora hot, was bei 'ma
 Mädle naturgemäß net
 grad ewig dauert.
 Die aktuelle Reinkarnation
 isch 4 Johr alt ond derf net
 fotografiert werda - mit a
 bissle Glick ond bei guter
 Laune zeigt se sich aber
 ab ond zu am Fenster ... 
 

   Des viktorianisch beeiflusste Bauwerk isch dr Gaddi Baithak,
   der früher als Audienzhalle von de nepalesische König dient
   hot.
  

 














 Hender dem Tor erhebt sich dr
 1564 erbaute Taleju-Tempel,
 der mit seine 35 m Höhe älles
 überragt.

 

   Des hier isch dr Markusplatz ... ach noi, halt, da liegat ja
   koine Küh rom ... des rechte Häusle isch der Vishnu ge-
   weihte Jagannath-Tempel.
   

  
   Ond während sich die Küh obeeidruckt von denne ganze
   Tauba sonnat ...
  

   ... goht's uff de Dachstreba von dem Tempele richtig ab!  
 

  
                 Älle onder 18 Johr bitte weggucka!
 

  18 han i g'sagt - net 80 ;-)! Der Ältestarat hier isch jeden-
  falls ziemlich obeeidruckt von dem Treiba ....
   

   ... des Shiva ond Parvati von ihr'm gleichnamiga Tempel
   aus scho interessierter begutachtet  ...
   

 
... während sich dr Kala
 Bhairav (au a Form von
 Shiva) schwarz ärgert,
 deswega hoisst'r au so
 (kala = schwarz) ;-)  
  

 
 Garuda (Vishnus Reittier)
 behilft sich mit beta ...
 

 ... während dr Affagott
 Hanuman vor lauter roter
 Pampe gar nix mitkriegt!
















 

 
      Mhm, ond was guggsch Du?
  

           A so - älles klar ;-)!
 

   Der hier sieht des ganze au eher entspannt, aber wahr-
   scheinlich hot der grad am Pipe House en dr legendära
   Freak Street a Bsiachle abg'stattet g'het ;-)
   

   Patan (offiziell au Lalitpur) isch d' Zwillingsstadt von Kath-
   mandu uff dr andera Seite vom Bagmati-Fluss.
   

   Au en Patan gibt's an zum UNESCO-Weltkulturerbe g'hö-
   renda Durbar Square ...
   

     ... der aber entspannter wirkt als der in Kathmandu ...
  

         ... net zuletscht weil er verkehrsberuhigt isch ...
 

 ... in jeglicher Hinsicht,
 so g'seha gibt's eigent-
 lich koin Grund, dass dr
 Garuda scho wieder's
 Beta ofanga müsst!














  

 Onderstützt wird 'r dabei
 vom König Yoganarendra
 Malla ... aber i glaub, der
 betet eher die weltliche
 Dinge ihm gegaüber an!
 

  Hier 's Golden Gate, oiner von mehrere Eigänge zum Palast.
  

   Der Heilige hier isch au mehr de materielle Dinge zugeneigt,
   so g'seha dann eigentlich bloß an Schein-Heiliger ;-)
  

   Ja, so a Sightseeingtour macht genz schee hongrig ...
 

                                      ... ond durstig drzua! Mahlzeit!